Thu, Jul 28, 2022 8:00 PM - 8:30 PM

”120 كم...وخطوة لندعم فيلم" ساعة 20:00

  • مسرح خشبة
قطعنا كثير خطوات مع فيلم "120 كم"
لفينا بمهرجانات محلية ودولية وحصدنا جائزة الجمهور في مهرجان افريقيا لحقوق الانسان، واسا اجا وقت الفيلم الجديد، وبدنا همتكم معنا.
مرقوا 6 سنين على رحلة الشهر اللي تحولت لرحلة معاناة امتدت على 24 شهر، واجا وقت الخطوة الجديدة.
وأخيراً صرنا في مرحلة تحضير انتاج فيلمنا الجديد "بين موت بين" اللي متوقع نصوره بشهر ايلول/ 2022 ,وعشان ننجح, احنا بحاجتكم معنا.
فيلمين بيجمعهم مخرج وبحر، لهيك مندعيكم تكونوا شركاء في صناعة الفيلم الثاني.
فيلم "بين موت بين" اللي بيحكي عن صالح من  غزة المحاصرة , بعد ما غرق القارب اللي بيحمله هو وكمان مجموعة من الهاربين من القطاع, و قذفهم على شي شط, بشي مكان, بعد ما يفقد صالح الأمل بوجود ناجيين غيره, بتستوقفه جثة  امرأة من الهاربين, هل هي ناجية كمان مثله؟ وهل راح يقدر صالح ينقذها؟ وهون ببدأ صالح رحلة سريالية بالبحث عن مخرج .
 
كيف ممكن تكونوا شركاء في صناعة فيلم "بين موت بين"؟
عن طريق تواجدكم بعروض فيلم "١٢٠ كم", والتذاكر اللي كل ريعها راح يروح لدعم انتاج فيلمنا الجديد, بلإضافة لصندوق دعم اللي راح يكون موجود بيوم العرض.
سعر التذكرة؟ 50 قرش أو أكثر، وكل مبلغ رح تحطوه رح يروح ريعه لإنتاج الفيلم الجديد.
 
ووينتا ووين؟ في مسرح خشبة، يوم الخميس 28\7\2022 رح نعرض فيلم "١٢٠ كم" الساعة 20:00